रंगी चङ्गी फुलहरु
थरि थरिका बत्तिहरु
सिनिक्कै सिंगारिएका घरहरु
ग्रुप ग्रुप देउसे भैलो खेल्नेहरु
कोहि रोटे पिङ र लिङ्गे पिङमा मस्तछन् ।
कोहि जुवातास र डाईसहरुमा ब्यस्तछन् ।
आज मेरो यस्तै झझल्को आखाँ भरि भरि छन् ।
अनि
पोहोर सालको मिठो यादहरु………
बुनु ! तिमिले जानी नजानी
मेरो निधारमा टिका लगाई दिएकी थियौ ।
टपरि भरी मिठो मिठो खाने कुरा दिएकी थियौ ।
सयपत्रि र मखमली फुलको माला गला भरी
लगाई दिएकी थियौ …………
हो बुनु मलाई बेहुला जस्तै बनएकी थियौ……॥
तिमी चाँहि मेरो स्वास्थ्य र दिर्घायुको लागी
भोक भोकै बसेर कामना गरेकी थियौ ।
कठोर तपस्य गरेकी थियौ…………
मेरो लागी यो भन्दा ठुलो उपाहार के हुन सक्छ र बुनु
मैले तिमीलाई एक मुठी चानचुने पैसा दिएको थिएँ ।
तिमी त्यति बेला धेरै खुसि भएकी थियौ ।
यसपालीको तिहार पनि खुसि साथ मनाउनु है बुनु ।
साथीहरु मिलेर
पिङहरु खेल्नु
देउसि भैलो खेल्नु
राम्रो राम्रो लुगा लगाउनु
मिठो मिठो खानेकुरा खानु
नांच्नु , गाउनु र पटक्क पड्कानु
दाजुहरुलाई भाई टिका लगाई दिनु
यसरि भाई टिका मनाउनु ल बुनु……॥
यसपालीको तिहारमा तिम्रो हातको
टिका लगाउन पाईन नरिसाउ है बुनु……॥
यो तिहारमा तिम्रो लागी उपासना बस्ने छु ।
तिम्रो स्वास्थ्यको लागी समृद्धिको लागी र दिर्घायुको लागी ।
म आउन नपाए पनि तिमीलाई
एक मुठी चानचुने पैसा पठाई दिएको छु ।
आमाबाबाहरु सँग दाजुहरु सँग र दिदीहरु सँग
यसपालीको तिहार खुसि सँग मनाउ है बुनु ॥
तिमीलाई मायाँ गर्ने दाजु
"कैदी"
-
+
तपाईंको प्रतिकृया
nice poem thanx.........!