कवि गोमा रानाको कवितासङ्ग्रह ‘सात समुन्द्रपारिबाट’ विमोचित
काठमाडौँ । १९ अप्रिल २०२४ को दिन कवि गोमा रानाको कवितासङ्ग्रह ‘सात समुन्द्रपारिबाट’ रेडियोको प्रत्येक्ष प्रसारण मार्फत विमोचन भएको छ ।
ललितपुरको मानभवनस्थित रेडियोको स्वर्णिम संगम कार्यक्रमबाट शुक्रबार पुस्तक विमोचन गरिएको हो ।
पुस्तकमा ‘म खोजिरहेछु’सहित ७१ वटा कविता संग्रहित छन् ।समाजसेवा तथा पत्रकारिता गर्दै आएकी रानाले बीएफबीएस रेडियो ब्रुनाईमा रहेर पनि कार्यक्रम सञ्चालन गरेकी थिइन् । उनी रेडियो बीजीडब्ल्यूएसमा पनि कार्यरत छन् ।
स्याङ्जाको गल्याङ नगरपालिका-३ मा जन्मिएको गोमाले पाल्पा बहुमुखी क्याम्पसबाट प्रमाणपत्र तह पास गरेकी थिइन् ।
हाल बेलायतको फानबोरोमा बस्दै आएकी गोमा फोनिज युकेको पूर्वअध्यक्ष । यस्तै, उनी पत्रकार महासंघ बेलायत शाखामा पनि आबद्ध छिन् ।
